皇牌汤底 啖啖都係胶原蛋白 牛迷沾麵＋低卡荞麦麵＋

日本拉麵相信无人不爱，但每到盛夏总係想食得透心凉啲，所以沾麵同荞麦麵喺呢个季节就变得好受欢迎！一年几前喺尖沙咀开业嘅「鹤亀」，正係近期由拉麵、沾麵、荞麦麵，以至汤底都做得几出色嘅本地代表，亦因此入选「必吃食店大奖 2019—最回味食府金奖」！

足料胶原蛋白汤底

假如大家有试过「鹤亀」嘅拉麵，就必定会爱上佢哋嘅皇牌白汤汤底！每日用大量猪骨、猪筒骨、鸡肉、鸡骨、鸡脚，加上少量新鲜蔬菜，足料熬煮8小时后，再温焗一晚（约12小时），等汤底完全吸收食材嘅味道同精华，然后再喺翌日加热，搅碎汤料，经三重网过滤好所有骨渣，变成入口顺滑滋润、味道极度鲜甜，每啖都满载丰富胶原蛋白嘅皇牌汤底！好多客人试食过后，都会为咗呢个既好味养颜又性价比高嘅汤底而重覆光顾。

牛迷必食：慢煮安格斯牛沾麵

虽然沾麵係拉麵嘅一种，但就因为冷麵热汤、汤味更浓郁嘅关係，而成为日本其中一种最具代表性嘅美食。而小店近日就推出咗几款新口味麵食，包括专为牛迷度身设计嘅「黑松露慢煮安格斯牛沾麵」！每份都有150克美国特选 CHOICE安格斯牛，份量十足。由于油花较少、肉质柔润，配合太麵（粗麵）沾汤嚟食，亦唔会令人觉得太浓或太腻。利用55度低温慢煮2.5小时后，再以明火将外皮轻炙至少许焦香，营造出外脆内腍嘅双重口感。呢款沾酱用咗皇牌汤底，加入矜贵黑松露增香，仲有大大粒北海道帆立贝佐食，算得上係豪气之选！

惹味有营： 柚子三文鱼扒沾酱麵

同样係冷麵热汤嘅新口味推介，仲有用咗成块炙烧三文鱼扒，配以皇牌汤底、柚子酱油调製嘅沾酱麵。三文鱼扒煎香后香气馥郁、鱼肉甘香丰腴，配合富有柚子清新酸甜香味嘅沾汤食用，令人胃口大开！三文鱼本身含有丰富Omega 3，又係瘦身同健身时期都建议食用嘅超级食物，绝对唔驶吓吓计住热量就住食用。自问对拉麵不离不弃嘅你，可以点叫番长期大热嘅海老帆立贝拉麵，同样有皇牌汤底、虎虾、樱花虾，同埋自家製叉烧嘅加持！

夏日推介：柚子荞麦麵配野菜天妇罗

天妇罗荞麦麵被喻为日本女生夏季至爱嘅麵食首选！一份荞麦麵热量少于 400卡，高纤低卡之余，仲有甘香麦味，更含维他命B群同芦丁，帮忙提升活力、抗氧化同维持心血管健康。今次特别配以新鲜蔬菜天妇罗，既提供到足够膳食纤维，又满足到想食香口嘢嘅乐趣。配以清新柚子鲣鱼酱汁食用，更加突出每种时蔬本身嘅唔同鲜甜味道。

由即日起，每逢星期一至五，只要喺指定午市时段（11am-3pm）光顾，老闆仲会送你九折优惠，再加送2只日式煎饺子㖭！

鹤亀

地址：汉口道19-21号汉宜大厦地下L号舖

电话：5115 8979

营业时间：星期日至四 11am-10pm

星期五至六 11am-11pm