盘点8大御用警察演员 个个又型又高大
盘点8大御用警察演员
吴卓羲
而家38岁嘅吴卓羲由2005年《学警雄心》开始扮演警察，喺呢十几年间就多次饰演警队唔同部门嘅角色。之前，更被网友总括出多年嚟佢演嘅警队角色中，性格一般都离唔开火爆冲动，仲笑指佢过去13年喺警队不停转部门，履历不断更新。
有网友仲抵死咁话警队内部架构好大，吴卓羲仍然有好多警队职位未做过，相信佢可以做到退休咁话。相反，小编就比较期待想睇到吴卓羲做到「一哥」嘅时候！
Facebook专页「King Jer娱乐台」之前更将吴卓羲的警队生涯履历製作成图。
刘德华
华仔扮演警察都相信好有印象，一谂到佢扮警察大家都可能会谂起2002年嘅经典电影《无间道》。
其后华仔都有间唔时扮演唔同嘅警察角色，例如有《盲探》、《拆弹专家》等，又型又靓仔嘅华仔扮警务人员都真係好似！
王敏德
拥有中法荷兰血统嘅王敏德，身形高大兼一脸硬汉样，最擅长就係饰演警察中飞虎嘅角色。多年来，王敏德多次出演警察角色，而佢扮演警队高层嘅形象，更可谓完全入屋！
2003年，王敏德更凭1994年嘅《飞虎雄心》中，饰演香港警务处特别任务连教官Stone Wong一角，并喺香港电台和香港警务处联合举办嘅「香港理想银幕警察」选举中夺冠，可想而知佢警察形象如何深入民心！
任达华
现年63岁嘅任达华多年来在影圈拍摄多套作品，电视电影皆有其影，而佢无论係外形定外貌，饰演纪侓部队都入木三分，其中喺《PTU》沙展一角就够晒经典！
苗侨伟
而家59岁嘅苗侨伟外表够哂型就唔多讲，身型高大之余，行出嚟个感觉亦只啱做大佬或者尸警队较高级职位嘅角色。
就算平时三哥唔係拍戏，只係出席活动，睇佢一身衣着打扮都好难掩盖佢个种英气同有型嘅感觉！所以，小编真心觉得三哥暂时喺TVB入面，係冇人可以型得过佢！
古天乐
古仔所拍嘅电影数目为数唔少，其中佢亦有尝试饰演警队角色，例如有电影《爆裂刑警》、《扫毒》、《杀破狼·贪狼》等。
其实古仔外形高大，加上肤色黝黑，要扮演一个纪侓部队人员对佢嚟讲都几适合。
河国荣
睇开TVB剧嘅观众，应该唔会对今年53岁嘅河国荣感到陌生，皆因佢经常喺TVB剧入面扮演一啲警察角色，例如有警官同警司。值得一提嘅，係佢喺28年前所拍嘅电视剧《我本善良》中，扮演一位英国警司，年轻时嘅河国荣靓仔程度，真係令小编对眼发哂光！
讲到河国荣，佢本身係个澳洲人，因读书时听到张国荣的歌曲，自此爱上广东歌，同时亦间接影响到佢长大后，决心放弃成长地嘅生活，从澳洲到香港闯一闯。
曾守明
去年不幸离世嘅绿叶演员曾守明，入行超过30年，其演艺生涯做得最多嘅角色大多同警察有关，曾演活多个唔同警察部门嘅角色，包括交通警、便衣警察、飞虎队、督察、警司等。
原来曾守明唔止戏里经常饰演警察嘅角色，现实生活中佢同时係一个辅警，其官阶为警长，其后于2013年退休，并获颁授「香港辅助警察长期服务奖章」，以表扬佢作出嘅贡献。
